🔷शिवजयंती 2K24

मन शांत ठेऊन वाचा......

१९ फेब्रुवारी.....

                 माझे राजे, स्वराज्याचे मालक, देशाचे कुलभूषण, मावळ्यांचे रक्षक, मराठ्यांची शान, आई जिजाऊंचे सुपुत्र, सर्व गड किल्ल्यावर आजही ज्यांचा आवाज दुमदुमतो असे आमचे राजे छत्रपती शिवाजी महाराज यांची जयंती.....

           फेब्रुवारी महिना सुरू झाला किच आम्हाला छत्रपती शिवाजी महाराज्यांच्या जयंती चे वेध लागतात... चांगली गोष्ट आहे पण नुसतेच वारे वाहून काही उपयोग नाही आपण छत्रपती शिवाजीराजांचे किती गुण आत्मसात करतो हे जास्त महत्वाचे आहे.

मोठ्या तोऱ्यात म्हणतात " अहो राजे....तुमच्यासाठी काय पण " साधे झेंडे आणायला लावलेत तर आमचा पगारच नाही झाला नाहीतर राजेंसाठी काही विषय आहे का? असे बोलले जाते ,हेच का ती तुमची भक्ती.....

               मी राजेंबद्दल लिहावं किंवा त्यांचे चरित्र तुम्हास सांगावे एवढी मोठी 

मी नाहीच.. पण छत्रपती शिवजीराजेच्या काही घटना आठवतात ते म्हणजे वयाच्या 7 व्या वर्षी राजांनी स्वतंत्र्य स्वराज्य स्थापन करण्याची उद्घोषणा केली.अन आपले तर भविष्यात आपण कोण व्हायचे हे देखील ठरलेले नसते. आपण गाडीवर स्टड मारण्यात व मुलीला पटवण्यातच व्यस्थ आहोत मस्त पैकी आईवडिलांनी कष्टाने कमावलेल्या भाकरीचे तुकडे तोडायचे व अभ्यासाच्या नावावर आईबाबांना फसफायचे व इकडे आपली मौज करायची इतकंच आपल्याला येत... अरे 14 फेब्रुवारी ला एकमेकांच्या गळ्यात गळे घालण्यापेक्षा 19 फेब्रुवारी ला राजांच्या गळ्यात माळ घालण्यात वेगळीच मजा आहे मित्रानो....माझा हा लेख वाचून खूप जण माझा राग करतील राग येत असेल तर येऊ द्या मी फक्त सत्यता मांडत आहे. 

     " तुम्हाला शिवजयंती अंगात आणायची असेन तर त्यांच्या गाण्यावर नाचून अंगात नका आणू तर शिवराजांचे चरित्र वाचून अंगात आणा...छत्रपती शिवाजीराजे कोण होते, त्यांचे बालपण, तरुणपण कसे होते हे माहिती करून घ्या नुसतीच राजेंसारखी दाढी वाढवू नका तर राजेसारखे मनाने वाढा..... राजेसारखे आपण होऊच शकत नाही पण राजेसारखे बनण्याचा प्रयत्न आपण नक्कीच करू शकतो. तुम्हाला छत्रपती शिवाजी राजेंची भक्ती असेन तर ती एक दिवसच दाखवून व्यक्त होत नाही तर ती अंगी मुळात असावी लागते मग त्यासाठी कोणता एक दिवस साजरा करण्याची गरज नसते. तुम्हाला काय वाटतं आम्ही मुली शिवजयंती त दिसत नाही म्हणजे आम्ही राजेंचे भक्त नाही असे नाही आम्ही पण छत्रपती शिवरायांचे भक्त असतो फक्त आमची दाखवण्याची पद्धत जरा वेगळी असते. 

           आज मुलींची छेड काढणारे कोण आहेत??? आई बहिणीवर वाकडी नजर टाकणारे कोण आहेत???? कधी ऐकलं का की एका मुलीने एका मुलाची छेड काढली... आईवडील फक्त आम्हा मुलींवरच संस्कार करतात का??? संस्कार दोघांवरही सारखेच फक्त मुली त्या अंगी भिनवतात. मी मुलगी म्हणून मुली खूप चांगल्या असे अजिबात नाही बर....कारण कळीचा नारद तर मुलीच असतात. लग्न होण्याआधी आई वडील अन त्यांची मुले आनंदात एकोप्याने राहतात पण लग्न झाले अन बाई घरात आली की वाद सुरू होतात का होतात?? कारण मुलगी कधी सासूला आई अन सासर्याला वडील मानतच नाही.... ज्या दिवशी ह्या सर्व भिंती पडतील तेव्हा नाते खूप सुंदर बनतील. आई जिजाऊ अशाच होत्या का.... मुलींना वाटत आपल्याला छत्रपती शिवजीराजेसारखा मुलगा भेटावा पण कोणी आई जिजाऊसारखं बनायला तयार आहे का??? मुलं आणि मुलींनी विचार करायला हवा...पब जी गेम न खेळू दिल्यामुळे मुलाने वडिलांचा खून केला अन राग एवढा होता की वडील मेल्यानंतरही त्यांचे हात पाय तोडले ही घटना ऐकून मनात कापरे भरतात मग असले मुलं असण्यापेक्षा मुलं नसलेले केव्हाही चांगले नाही का? आजकाल तर नवं फॅड आल आहे काय ते...छोट्या छोट्या कारणाने आत्महत्या करणे, असे मरण्याचे कारण सांगताना बापाला लाज वाटते अरे मरायचं असेल तर असे मरा की मेल्यानंतर बाप तुमच्या मरण्याचे कारण अभिमानानं सांगू शकेल......छत्रपती शिवाजी महाराज असे नव्हते म्हणून ते आजही तुमच्या आमच्या मनात जिवंत आहेत.. अरे मोठ्या अभिमानाने म्हणता...." राजे पुन्हा जन्माला या " कशाला बोलावताय त्यांना असले कुरूप रूप दाखवायला... बर झालं राजे नाहीत नसता त्यांचे असे मावळे बघून आत्मा किती दुखावला असता.....

आता खरी वेळ आली आहे स्वराज्य रक्षणाची माझ्या प्रत्येक लेखात एक वाक्य असते ते म्हणजे " दिसणे महत्त्वाचे नसून असणे महत्त्वाचे " आहे म्हणून शेवटी एकच,,

 भगवा गळ्यात नाही तर डोक्यात सजवा

अन राजे शरीरावर नाही तर मनावर रुजवा..

शिवसोहळा, १९ फेब्रुवारी निमित्य आपणा सर्व मावळ्यांना शिवजयंती च्या शिवमय शुभेच्छा.....

                                      लेखिका

                                ✍️ वैशाली साबळे