🔷महिला दिन विशेष......

महिला दिन विशेष :-

पहिली माझी ओवी ग

फुलेंच्या पत्नीला

शिक्षणाचा दिला आधार

शिकवले लेकीला.....

दुसरी माझी ओवी ग

शहीजीच्या पत्नीला

स्वराज्य रेखिले त्या

शिवरायांच्या मातेला...

तिसरी माझी ओवी ग

भीमरायांच्या लेखणीला

हक्क दिले स्त्रियांना

अर्थ दिला जगण्याला....

 महिलांना शिक्षणाचा अधिकार मिळवून देण्याऱ्या पहिल्या मुख्याध्यापिका, क्रांतीज्योती सावित्रीबाई फुले यांना अभिवादन, भीमरायांच्या लेखणीने केलेल्या किमयाच्या मनापासून आदर आणि रयतेचे स्वप्न बघण्याऱ्या राष्ट्रमाता जिजाऊ यांना मनाचा मुजरा....

अशा अनेक महिला होऊन गेल्या, त्यांच्याबद्दल मी काही सांगणार नाही कारण आज शाळेमध्ये, कॉलेजमध्ये, तुम्ही नोकरी करत असाल तिथे किंवा जिकडे जाल तिकडे तुम्हाला त्या आदर्श महिलांबद्दल ऐकायला भेटेल त्यामुळे मी ते पुन्हा पुन्हा रिपीट करणे योग्य नाही. त्या आदर्श महिलांबद्दल आपणाला महितच आहे पण तुम्हाला स्वतः मधील आदर्श महिलेला ओळखता आले नाही ही मोठी खतांची बाब आहे. महिलेलाच नाही तर पुरुषांनी सुद्धा तुम्हाला तुम्ही कोण दाखवून दिलेलं नाही... काही पुरुष दाखवून देतात की तुझी लायकी माझ्या चपलेच्या बरोबरीची आहे अशा पुरुषांबद्दल मी न बोललेली च बरी....

आम्ही महिलंबद्दल खुप चांगलं चांगलं ऐकतो पण त्याच दिवसापूरते. मग विसरून आपले गाऱ्हाणे मांडत बसतो. यशस्वी महिलांना सुद्धा अनेक अडचणींना सामोरे जावे लागले आपण तर सर्वसामान्य आहोत. एक छोटंसं उदाहरण सांगावेसे वाटते. काल एक अनोळखे आजोबा जेवायला बसले त्यांचे सहज लक्ष रूम मध्ये लावलेल्या छत्रपती शिवाजी महाराज यांच्या प्रतिमेकडे गेले, त्यांनी मला विचारले, 

छत्रपती शिवाजी महाराजांची प्रतिमा घरात लावली आहे पण त्यांच्यासारखा एक तरी गुण तुझ्या दादा मध्ये आहे का???

मी शांतपणे उत्तर दिलं

ही प्रतिमा त्याने नाही मी लावली आहे.

त्यावर मोठेबाबा म्हणाले

तू लावलीय मग ठीक आहे पण मला एक सांग मला महाराजपेक्षा त्यांच्या मातोश्री जिजाऊ साहेब खूप भावतात... असे का बरं???

मी त्यावर नम्रपणे उत्तर दिले,

ज्यांनी स्वराज्य स्थापन करण्याचे स्वप्न बघितले....आई जिजाऊ नसत्या तर महाराज घडले नसते महाराजांना घडवण्यासाठी आई जिजाऊ होत्या म्हणून आई जिजाऊ तुम्हाला जास्त भावत असणार....त्यावर ते हसले व उत्तर योग्य दिले म्हणून पाठही थोपटली... सांगण्याच तात्पर्य एवढेच की , थोर महिला होऊन गेल्या म्हणून आज आपण महिला आज पुरुषांच्या तोडीस तोड देत आहोत. पण आजच्या महिला काय करताय??

शिक्षणाच्या नावाने मुलांसोबत फिरताना दिसते, तोंडावर स्कार्प बांधलेल्या मुली बापासमोरून गेल्या तरी बापाला ओळखायला येत नाही, बाप पैसा पाठवतो त्यावर ऐश करायची अन एखादा चांगला मुलगा बघून त्याच्याशी लग्न करायचं. बस आम्हाला एवढं करता येत पण ज्या बापाने पैसे दिले ,नाव दिले त्यांचे नाव उंचावण्यासाठी ही आम्ही काहीच करत नाही. मुलींचे आयुष्य चूल आणि मूल पर्यंत मर्यादित आहे का??? तर अशा अनेक महिला आहेत त्या उंचावर जाऊन पोहचल्या मग आपण का नाही?? मी तर म्हणते, सगळ्यामध्ये काहीना काही विशेष गुण असतो तो ओळखता आला की आम्ही सहज क्षितिज पार करू शकतो पण आम्हाला तोच गुण खऱ्या अर्थांन ओळखता आला नाही. म्हणून मी तर या महिला दिनी एवढेच म्हणेल स्वतःतील विशेष गुण ओळखा अन आपल्या वाटेला लागा. " देर से आये तो क्या हुआ, दुरुस्त तो आये " म्हणून लागायचं कामाला.... काहीच न केल्यापेक्षा काहीतरी केलं ना ते खूप मोठं असतं. अन दुसऱ्या महिलांचे आदर्श डोळ्यासमोर ठेवत स्वतःतील गुण ओळखुन आदर्श महिला असण्याचा बहुमान मिळवा....कारण आपण दुसऱ्याचे उदाहरण खूप ऐकतो पण कोणीतरी आपले उदाहरण दिले पाहिजे यावर जोर ठेवा...ते म्हणतात ना " ये जिंदगी ना मिलेगी दोबारा " आपल्यापुढे संधी येतात फक्त त्या ओळखा म्हणजे आपण यशस्वी होणारच.....

माझा हा लेख वाचून ज्या नव्या उमेदीने जिद्दीने उभ्या राहणार आहेत त्या महिलांना या महिला दिनाच्या खूप खूप शुभेच्छा तसेच ज्यांनी हा लेख मनापासून वाचला आणि सर्व महिलांना पुढे नेण्यास उत्सुक असणाऱ्यां पुरुषांना सुद्धा त्यांच्या कार्यासाठी शुभेच्छा....

तालावर नको नाचू

बनून उभी रहा ढाल तू

स्वतःसाठी झट ग पोरी

बापाचं नाव उंचाव तू....

आदर्श ठेव दुसऱ्याचा

अन कामाला लाग तू

कष्ट एवढे प्रामाणिक कर

की दुसऱ्याचा आदर्श बन तू...

            

                          लेखिका

                 वैशाली विजयसिंग साबळे